饗 車仔麵 (已結業)

今天晚上跟朋友在她公司附近吃飯，她表示這間車仔麵不論lunch時段或者晚餐時段都是人龍店，所以要帶我黎食下!車仔麵店就在西九龍中心對面，在轉角的位置。餐廳座位不算很多，當天來到剛剛好還有座位，遲多一步都要等位呢!麵店牆上畫了車仔檔的壁畫，幾特別!餐牌上都有多款餸菜可以選擇。豬紅韮菜餃蘿蔔菠菜麵，菠菜麵軟硬度剛剛好，像粗麵的粗幼度，豬紅夠入味，蘿蔔炆得好冧又入味，而韮菜餃餡料幾多，韮菜味濃郁。湯底揀選了腩汁，湯底帶有牛腩味，幾清甜。南乳豬手大腸豬皮生菜底，豬手炆得好冧好入味，而且好大舊，好有骨膠原感，大腸不會有臭味，豬皮咖哩味濃郁，沙爹湯底味道香濃，令生菜味道惹味，能夠有菜底選擇岩哂一眾女生!醉雞翼，花雕味不算好濃，雞翼幾大隻而且多肉。凍檸茶，檸檬茶茶底夠澀，好有茶餐廳感，不會太甜。餐廳食物味道不錯，而且都幾足料，唔怪得是人龍店啦!