睿日本料理 (已結業)

我幾鐘意大坑呢個地方，靜中帶旺，唔會好似銅鑼灣咁間間餐廳都要等位，舒服得多今日又黎到呢邊搵食，呢度好多小巷，每個轉角都有驚喜，轉下轉下轉到「睿」，見佢環境不錯，就揀佢啦枝豆、酸汁海蜇先來前菜，枝豆用醬汁煮過，唔同一般的加鹽食，無咁鹹食多少少都無問題酸汁海蜇酸酸地好開胃，加入大量蔥花，海蜇的口感我一向都咁鐘意，整個配搭好好海鯛魚薄切最特別之處就係旁邊的生葵莖漬，生葵即係WASABI，切小粒醃左佢，每塊海鯛魚加入一至兩小粒已經好足夠,因為味道好重架，海鯛魚薄切刀工不錯，每塊都切得好平均油甘魚、深海池魚刺身比較厚切，魚味更加濃郁，油甘魚油脂味較重，兩款刺身都好新鮮赤身、中拖羅、大拖羅一次過滿足曬三個願望，一定要順序由赤身食起，赤身最食到吞拿魚的肉香，由中拖羅到大拖羅，油脂比例一路上，雖然全部都係吞拿魚，但感覺完全不一樣帆立貝壽司、牡丹蝦壽司、北海道馬糞海膽壽司壽司ORDER左三款我的最愛，這裡的壽司較大件，飯夠實淨唔會一夾就散，比平常易飽好多冷蕎麥麵最後食個冷蕎麥麵就真係飽曬，最特別就係有脆紫菜伴食，放入冷麵汁食又得，就咁食又得，再一層口感同味道