La Cozy

營業中

休息中

元朗劇院同圖書館附近一帶係區內散步好地方，而且近年仲越來越多高質餐廳☺️其中轉角位呢一間La Cozy 就係其中一間新餐廳，店子小小但提供唔同款式既意粉同全日早餐，性價比仲幾高！今次初訪見到餐廳將落地玻璃門全部打開，變成一個開揚半露天位置，而家秋涼天氣坐係度都幾chill！麵控最驚喜係見到意粉選擇繁多，仲會係黑板寫上是日推介，價錢都好相宜🙆🏻‍♀️🔸香蒜菠菜蟹肉意粉意粉份量多而且煮至al dente，正好配合以香蒜同橄欖油為主既調味！將蟹肉同菠菜一齊炒，再加上少少辣椒提味，撈埋一齊食惹味之餘亦不失蟹肉鮮味，一個人可以清得晒成碟🤤🔸香草燒雞一份主菜香草燒雞有半隻，size都幾驚人😍燒雞燒得表皮香脆，但仍保持裏面肉質多汁軟稔，調味亦到位。伴菜可選擇粗直薯條、薯蓉或蒜香意粉，老公揀左薯條，上枱份量超級多仲炸得好香脆！🔸香焗忌廉千層薯其中一款side dish係呢一款手工菜千層薯，一片片薄切薯仔加上忌廉一齊焗，保留薯仔口感得黎夠creamy🥰