點·子·巷

營業中

休息中

A姐：你喺邊呀？M佬：我喺餐廳啦！A姐：我喺海光街。M佬：咁得啦，直行再轉右，再直行再轉右，就到㗎啦！A姐：咁難搵嘅...M佬：係呀，所以咪話轉角遇到台灣菜囉。呢間點子巷就係位於鰂魚涌太古坊海堤街，位置比較偏僻。餐廳風格清新，行文青風。台式配方豬排飯台式配方豬排究竟係咩東東？其實都係醃咗嘅豬排，不過又煎得勁香口，加埋炸蒜同豉油，好滋味。蝦醬腩肉虎夾包豬腩肉輕輕炸過，加埋少少蝦醬，味道好惹味，口感豐富，不過嗰包有啲硬。紅燒辣牛腩船家湯粉平時紅燒牛腩嘅湯底都係比較濃，呢到嘅湯底反而好清甜，感覺好健康。牛腩好腍，好香牛味。咁究竟咩係船家湯粉呢？白色扁身麵條，有啲似上海麵。寶島鹵拼 一向都好鍾意食台灣鹵水嘢，一見到鹵水拼盤，就梗係叫啦。拼盤有溏心蛋、雞腎同雞翼。鹵水雞翼同雞腎都好入味，明顯醃咗好耐，正。另外，溏心蛋入口蛋味濃郁，富有彈性。台式剁椒肉燥娃娃菜辣辣地，好惹味，比平時嘅油菜好味好多。