居酒屋·姫 (已結業)

天文台圍轉角有間好有feel嘅日式居酒屋！呢到門口裝修已經好有心思，未入門口已經打左卡先。入到去更加有兒時回憶，因為天花板好多手接嘅接紙鶴，我好鐘意，另外一邊就好多figures，相信好多男仔都想要，再下面有好多瓶自製梅酒！！！好想試！今日來慶祝，所以叫嘅野都比較特別。首先有合鴨煮，其實就係豉油煮鴨肉。齋睇相已經知道有幾嫩滑，呢隻粉紅色見到都開心！雖然用豉油煮，但唔會過分鹹。$98有呢個質素絕對超值。釜飯我之前冇試過，今次叫左海膽三文魚籽釜飯 $476，我覺得幾特別，類似香港人嘅煲仔飯咁樣，但係好有日式風格，味道雖然清淡但有鮮味，好清新。三文魚籽同海膽都係我最鍾意食嘅兩樣魚生，兩樣都十分之新鮮！最後要左個北海道產活毛蟹。雖然價錢貴，但慶祝嘛，就食豪d， 結果有驚喜！$800比得值得，拆好肉，蟹味夠濃！