影片
更多
2023-08-31
34 瀏覽
朋友唔食魚生，但大家都想食放題，上OP搵到呢間串燒炸物放題，所以卜位試試。地點在觀塘市區往山上方向，小小隱蔽但唔難搵。我哋18:30嚟到已經坐咗幾枱，好彩有卜位。餐廳環境乾淨亦少油煙味，飲品可在雪櫃自由斟，呢個做法好好，不用浪費，亦減少使用膠樽，推介菊花蜜～可以串燒網燒都可以自助調味，個人化選擇，啱晒重口味的我，亦兼顧到唔食辣的朋友，推介加麻辣粉同孜然粉調味！我哋先點一堆炸物及清酒煮蜆。清酒煮蜆夠濃酒味，而且粒粒飽滿無沙。炸物配泰式甜辣醬，有泰式魚餅，泰式蝦餅，芝士魚條，吉列生蠔，吉列魷魚圈，唐揚雞塊，榴連波波。一上枱就好震撼，每款都熱辣辣又唔會炸到過火，正！推介唐揚雞塊及芝士魚條，味道很好。呢度食物分咗網燒同串燒，我哋每款都點一d。網燒類推介海鮮，有蒜蓉烤蠔及蒜蓉青口，蒜蓉醬調味實在太正，連d汁都撈埋。蠔同青口都無腥味，而且夠大隻，燒完唔會縮水，大推！雞翼都很好燒，好容易燒到皮脆肉嫩，個人最愛麻辣雞翼，encore左幾次。串燒類推介蜜汁叉燒豬柳及美國殼飼牛肋條！2款肉質都唔錯，而且加埋調味料，同外面$20串的串燒一樣～由於太喜歡個蒜蓉醬，所以最後加件蒜蓉茄子作結尾。另外想讚一讚呢度並
地點在觀塘市區往山上方向，小小隱蔽但唔難搵。我哋18:30嚟到已經坐咗幾枱，好彩有卜位。餐廳環境乾淨亦少油煙味，飲品可在雪櫃自由斟，呢個做法好好，不用浪費，亦減少使用膠樽，推介菊花蜜～
可以串燒網燒都可以自助調味，個人化選擇，啱晒重口味的我，亦兼顧到唔食辣的朋友，推介加麻辣粉同孜然粉調味！
我哋先點一堆炸物及清酒煮蜆。清酒煮蜆夠濃酒味，而且粒粒飽滿無沙。
炸物配泰式甜辣醬，有泰式魚餅，泰式蝦餅，芝士魚條，吉列生蠔，吉列魷魚圈，唐揚雞塊，榴連波波。一上枱就好震撼，每款都熱辣辣又唔會炸到過火，正！推介唐揚雞塊及芝士魚條，味道很好。
呢度食物分咗網燒同串燒，我哋每款都點一d。網燒類推介海鮮，有蒜蓉烤蠔及蒜蓉青口，蒜蓉醬調味實在太正，連d汁都撈埋。蠔同青口都無腥味，而且夠大隻，燒完唔會縮水，大推！雞翼都很好燒，好容易燒到皮脆肉嫩，個人最愛麻辣雞翼，encore左幾次。
串燒類推介蜜汁叉燒豬柳及美國殼飼牛肋條！2款肉質都唔錯，而且加埋調味料，同外面$20串的串燒一樣～
由於太喜歡個蒜蓉醬，所以最後加件蒜蓉茄子作結尾。另外想讚一讚呢度並無漏單問題，所有食物上枱又快又齊，我同朋友都食得好開心，下次再約～
張貼
