臨記車仔麵 (已結業)

今日約咗好姐妹和佢仔仔行街街，之後去藍田覓食，行過一間叫臨記車仔麵的餐廳，見到排曬長龍，一定好好食，所以我哋決定食呢間😆我們研究咗好耐，都係<精選配搭>的套餐最抵食，我哋叫咗2個套餐加3個小食，3個人share 食，咁就可以試多啲嘢😆我哋叫咗牛魔王再加蠔油小花菇，我揀咗麻辣湯底配米線🍜牛魔王套餐有牛腩，牛肚，牛丸，蘿蔔，韭菜。牛腩和牛肚都炆得好入味，牛丸爽口彈牙，蘿蔔又甜又多汁，我另外加的蠔油小花菇都好好味，花菇好滑好有菇味🍄麻辣湯底又麻又辣🌶食每一啖都好刺激我味蕾，米線好彈牙，呢碗米線超級好食啊😋再叫咗化骨龍套餐加溏心蛋，化骨龍套餐有瑞士花香雞翼尖，秘製豬軟骨，自家製鮮竹卷，墨魚丸和唐生菜。瑞士花香雞翼尖和豬軟骨炆得好林好入味，自家製鮮竹卷好大條，卷咗好多材料，外皮煎到金香可口，墨魚丸好彈牙。我哋揀咗咖哩湯底配河粉，真係勁有驚喜，咖哩湯底好香好濃，即時提升成碗車仔麵質素，真係堅好食😋呢個溏心蛋真係好食都不得之了🥚真係堅流心🤤勁有蛋味🍳真係必食推介👍🏻我哋再叫咗瑞士花香雞翼🌼呢個雞翼一放入口會散出陣陣桂花香味，雞翼醃得好入味，仲好大隻，第一次食有花香的雞翼🌼超好食🥰仲有