天下無雙

營業中

休息中

我好中意食車仔麵，今日同朋友行街見到有就衝左入去食。藤椒魚皮魚皮爽口彈牙，藤椒味道香濃，入口香口麻辣，魚皮非常入味。牛魔王麵餐入面有牛腩，牛丸，牛筋，牛柏葉，真係牛魔王最愛，牛腩非常軟林，牛丸多汁彈牙，牛筋煙煙韌韌，牛柏葉非常爽口。炸陳皮鯪魚餅陳皮味道濃郁，鯪魚餅炸到外面脆卜卜，內面口感Q彈，沾上泰式辣醬味道更加惹味。油菜係生菜新鮮爽脆，香甜。我哋叫咗凍檸賓同荔枝梳打，飲品就算加咗冰都唔會過淡，好飲！