Bench Cafe

營業中

休息中

今日行過荃灣轉角位一間咖啡店，門口裝修已經好值得打卡，打完卡當然要入去試下。我地叫左一個黑松露貝夏媚白醬蟹肉自家手工千層麵，賣相相當吸引，有大量黑松露之餘，更有大量蟹肉，抵食！再嚟荷蘭寶貝班戟配糖煮雜莓，上檯時店員超細心叮囑我地唔好掂到個鐵盤，一望，擺盤超靚，熱辣辣班戟超香蛋味，而且脆邊令整個班㦸口感一流，加上雜莓，整體感覺不會太甜亦不會太酸。仲有必試雞蛋布甸配酒香糖漬櫻桃，除左打卡一流，雞蛋布甸超香，口感軟綿綿，正！最後黎一杯熱朱古力咖啡，完美！