壹級日本料理 (已結業)

「辛苦得來志在食」，每日返工咁多個鐘真係好攰，放咗工梗係食返餐好㗎啦！今日約咗新同事來呢間「壹級日本料理」食餐好嘅，（記得上次我來食已經好滿意，還記得服務好好^_^）食日式料理當然一定要有刺身同壽司啦！朋友話好鍾意食八爪魚刺身，因為夠爽口！而我呢？喜歡油金魚刺身同埋帶子刺身，鮮甜！至於壽司，唔錯，啲飯唔會散晒。「番薯天婦羅」、「忌廉蚧肉薯餅」：除咗壽司刺身，炸物一樣出色，夠熱又脆，而且一啲都唔覺得有油膩。「黑豚肉野菜炒麵」：香口，唔油唔笠，鍾意呢個麵底。