影片
更多
2019-06-15
75 瀏覽
聽講尖沙咀呢間「重慶洪鼎火鍋」嘅麻辣湯底超級辣，今日好辛苦先拉到男朋友陪我去食🙈.位於尖沙咀亞士釐道嘅「重慶洪鼎火鍋」，裝修得古色古香，順著樓梯落到地庫，老中國嘅味道更為得出，而座位寬敞，坐得舒服，唔會感到壓迫感。.湯底：正宗洪崖洞麻辣鍋。中辣+養顏木耳雞湯 （$98）我哋就揀左雙拼鍋。作為麻辣控，必叫招牌正宗洪崖洞麻辣鍋是常識吧🙈而另一邊嘅木耳雞湯就特別為咗男朋友而設😂 麻辣鍋用咗唔同嘅辣椒炒煮而成，放入唔少嘅花椒，湯底呈瘀紅色，香辣勁中帶麻，值得一提嘅係麻辣湯唔會隨著加入高湯而愈煮愈淡，反而愈煮愈香添！而另一邊嘅木耳雞湯，湯底則有半隻雞， 真材實料👍💁♀️小妹建議：麻辣湯底真係幾辣，如果平時食開中辣，最好就down返一個grade啦🤣.火鍋配料：配料大致分為六類，肉類，牛類，海鮮刺身類，手工丸餃類，粉麵類同蔬菜類。值得一提嘅係，仲有六大拼盤，分別有三款海鮮拼盤同三款牛肉拼盤，除咗材料更高級外，係冇得單點㗎❗️.迷你海鮮拼盤A ($278)新鮮度真係爆曬燈！為咗保持絕對嘅新鮮，石蚌魚係即叫即劏，師傅再用超強嘅刀工，係生猛嘅石蚌魚上切出一片片超薄晶瑩剔透嘅魚肉刺身。即使拎到上枱，石蚌魚頭
聽講尖沙咀呢間「重慶洪鼎火鍋」嘅麻辣湯底超級辣，今日好辛苦先拉到男朋友陪我去食🙈
.
位於尖沙咀亞士釐道嘅「重慶洪鼎火鍋」，裝修得古色古香，順著樓梯落到地庫，老中國嘅味道更為得出，而座位寬敞，坐得舒服，唔會感到壓迫感。
.
湯底：正宗洪崖洞麻辣鍋。中辣+養顏木耳雞湯 （$98）
我哋就揀左雙拼鍋。作為麻辣控，必叫招牌正宗洪崖洞麻辣鍋是常識吧🙈而另一邊嘅木耳雞湯就特別為咗男朋友而設😂 麻辣鍋用咗唔同嘅辣椒炒煮而成，放入唔少嘅花椒，湯底呈瘀紅色，香辣勁中帶麻，值得一提嘅係麻辣湯唔會隨著加入高湯而愈煮愈淡，反而愈煮愈香添！
而另一邊嘅木耳雞湯，湯底則有半隻雞， 真材實料👍
💁♀️小妹建議：麻辣湯底真係幾辣，如果平時食開中辣，最好就down返一個grade啦🤣
.
火鍋配料：
配料大致分為六類，肉類，牛類，海鮮刺身類，手工丸餃類，粉麵類同蔬菜類。值得一提嘅係，仲有六大拼盤，分別有三款海鮮拼盤同三款牛肉拼盤，除咗材料更高級外，係冇得單點㗎❗️
.
迷你海鮮拼盤A ($278)
新鮮度真係爆曬燈！為咗保持絕對嘅新鮮，石蚌魚係即叫即劏，師傅再用超強嘅刀工，係生猛嘅石蚌魚上切出一片片超薄晶瑩剔透嘅魚肉刺身。即使拎到上枱，石蚌魚頭同尾仲郁緊架！刺身味道極之鮮甜而且爽口，肉質肥美嫩滑，口感十足，不愧為魚中極品！另外仲有竹串海蝦，活鮑魚同貴妃蚌，都係非常新鮮！
.
鮮蝦水餃。全份（$58）
鮮蝦水餃皮薄餡多，裏面有大大粒鮮蝦仁添🍤
.
超級邪惡午餐肉。 半份 （$32）
邪惡午餐肉同超級邪惡午餐肉既分別在於，前者係薄切，而後者係厚切。 午餐肉切成粒狀再炸至酥香，就咁食都好好味😍
.
重慶苕粉 ($38）
我都係第一次見呢種薯粉🙆♀️全身係墨綠色，外型好似海帶，口感比普通薯粉更煙韌爽口👍
💁♀️小妹建議：煮耐少少，口感會更佳❗️
.
蟹籽墨魚滑 （$78）
大大舊圓姑碌，頂層仲有蟹籽做點綴，好吸睛呀💕打至起膠，入口爽口彈牙，味道濃郁！
.
P.S. 洪鼎嘅餐具設計得超級體貼，兩碗相連嘅設計，一邊可以放醬汁，而另一邊則可以放食物，中間可以放筷子，仲有一個迷你格汁網添！名副其實嘅四合一🤣
張貼
