川熙樓 (已結業)

天氣咁潮濕！就想食啲辣嘢去一去濕。 喺尖沙咀有好多川菜選擇， 見呢間又係酒店裡面地方似乎比較乾淨， 食評都唔錯， 就同我朋友試下啦 (佢有潔癖架)原本都係諗住食下啲傳統川菜，好似辣子雞、水煮魚、水煮牛…… 估唔到！唔鐘意打邊爐嘅朋友，突然間想食川菜火鍋。又好！由於唔食得太多， 我哋冇食放題。叫咗個南山泉水雞鍋，賣相好得！ 唔講唔知，想當年因為用料獨特，麻辣味足， 價錢相宜，南山泉水雞成為重慶名菜。 今日川熙樓呢個泉水雞，小小嘅辣味、 微微嘅麻味、仲有少少嘅甜味，雞肉爽口， 配菜包括紅椒、芹菜、蔥， 因為索曬個汁嘅味道，好食！食完雞，姐姐就嚟加湯轉做火鍋。 我哋叫咗個手切肥牛， 其實叫肥牛不過就唔係好肥， 啱曬我哋怕肥嘅女仔！ 另外仲叫咗台灣貢丸同埋菜心！ 提一提，調味料一定要試下個蔥、芫茜、同埋炸蒜蓉整體嚟講環境好地方好食物好。 離開咗餐廳之後發覺，原來餐廳嘅抽風系統都非常之好！ 唔會食完個身一陣味