更多
2019-01-23
576 瀏覽
灣仔太原街譚仔於中午時間日日都排長龍,非常人多,曾經試過係門口等左45分鐘都未入得,食飯時間都過左一大半,好彩今日早少少去到可以即刻有位,拿拿聲點左個重慶酸辣米線小辣配墨魚丸、牛肉、腩肉,今次好快就上枱可以食啦。重慶酸辣米線小辣配墨魚丸、牛肉、腩肉:滿滿一層紅紅既辣椒油望落已經覺得好辣,但鍾意食辣既我成日心思思都掛住呢種辣味,食過好多餐廳既墨魚丸,始終覺得譚仔既墨魚丸比較彈牙爽口有墨魚粒粒,牛肉亦係新鮮牛肉,腩肉都醃得入味,好香既油香,配上重慶辣味真係誇啦啦,食過翻尋味。最後飲埋凍檸蜜就大滿足。
張貼