老長沙湘菜館 (已結業)

最近朋友發現佐敦新開咗一間，朋友知我鍾意食辣，又未試過湘菜，於是帶我去試下。店舖分為上下兩層，裝修得簡潔明亮，乾淨又企理，座位闊落舒適，下單需要店員幫手，店員都好有禮貌，服務又勤快。小炒黃牛肉 $168.-牛肉切成小片，加上勁多青紅辣椒及芫茜一齊炒，味道非常香辣惹味，加上調味出色，令牛肉味道更鮮香，送飯一流🥰。蛋黃茄子 $78.-選用新鮮白茄子，質感軟嫩，蛋黃鋪滿茄子外層，一口咬下勁爆汁😍，有陣陣蛋黃鹹香味及茄子清甜味滲出。乾鍋雞 $138.-乾鍋付設小鍋爐，雞件切成細細粒，伴有洋蔥、辣椒、蒜蓉及蔥段，雞肉非常入味，口感嫩滑，同樣香辣惹味😋。因為未食過湘菜(湖南菜)，所以點了幾款大眾口味的菜式試試，食後感覺相比川菜更有辣勁😱，鹹味更輕。喜歡食辣嘅朋友，此店值得一試。