麻辣Doi (已結業)

4條友仔好耐無聚， 疫情下盡可能支持小店， 朋友找到這間以時尚四川菜做主打的餐廳試下。人流不算太多， 但偶然見到一個又一個外賣，應該都有好多街坊擁躉。其實我地都唔係好食得辣， 但見到餐牌樣樣都想試下。蒜泥白肉， 平時去開連鎖米線店食。依度味道好唔同， 薄薄的腩肉， 刀工一流，雖然係腩肉， 但一啲唔肥膩。配上極惹味的辣油， 好正。仲有口水雞， 雞件有肉嫩滑， 辣油配上花生碎， 芝麻等， 刺激味蕾。主菜揀左酸菜魚， 叫左大， 份量勁多仲配左薯粉， 豆卜， 4個人食都覺得好夠食。湯底揀左微辣， 但仍有魚的鮮甜味，滿足。