影片
更多
2019-07-26
65 瀏覽
烤魚喺內地好受歡迎，喺香港亦都係一樣，好多店都要大排長龍，今次呢間烤魚工房亦都算係呢區嘅人氣店之一，未正式入座之前，店員都已經講明要人齊先可以入，證明人多到咩程度了。我哋一行一共有六人（三男三女）叫咗兩條烤魚，兩個茄子再加幾杯野飲，每人都只係130蚊左右，仲食到好飽，份量可以話非常充足。第一條係鱸魚，叫咗溫柔辣，但都好夠味，未食已經聞到辣椒誘人嘅香味，好醒胃，配菜叫左豆花、烏冬、娃娃菜、金菇，菜單上面亦都好細心提醒客人叫配菜嘅時候，最好喺四個之內，會更加入味，所以我地都照跟。配菜同魚尤其個汁好夾，豆花好滑，菜吸哂d汁真係唔講得笑，烏冬竟然出奇地夾，中和下辣味。另一條就係酸菜魚，見到本身嘅配菜有蒜頭同埋炸蒜、蔥花等等，當然唔少得酸菜啦，我地加左腐竹、凍豆腐、墨魚滑同寬粉。雖然一路滾起嚟條魚陣味真係好香，但係當飲落啲汁嘅時候就有少少奇怪嘞，嗰啲酸菜無我想像中咁酸，反而有d似雪菜,所以無左酸菜魚果種越食越開胃嘅感覺，好在條江團魚肉質嫩滑，加翻唔少分，仲無乜骨，開心翻d 。墨魚滑係自家的，食到魚肉，但煮熟後口感略嫌有點實淨唔夠滑，好在鮮味搭夠另外燒茄子一定要食，好香好入味又夠腍，我地食完又加多
我哋一行一共有六人（三男三女）叫咗兩條烤魚，兩個茄子再加幾杯野飲，每人都只係130蚊左右，仲食到好飽，份量可以話非常充足。
第一條係鱸魚，叫咗溫柔辣，但都好夠味，未食已經聞到辣椒誘人嘅香味，好醒胃，配菜叫左豆花、烏冬、娃娃菜、金菇，菜單上面亦都好細心提醒客人叫配菜嘅時候，最好喺四個之內，會更加入味，所以我地都照跟。配菜同魚尤其個汁好夾，豆花好滑，菜吸哂d汁真係唔講得笑，烏冬竟然出奇地夾，中和下辣味。
另一條就係酸菜魚，見到本身嘅配菜有蒜頭同埋炸蒜、蔥花等等，當然唔少得酸菜啦，我地加左腐竹、凍豆腐、墨魚滑同寬粉。雖然一路滾起嚟條魚陣味真係好香，但係當飲落啲汁嘅時候就有少少奇怪嘞，嗰啲酸菜無我想像中咁酸，反而有d似雪菜,所以無左酸菜魚果種越食越開胃嘅感覺，好在條江團魚肉質嫩滑，加翻唔少分，仲無乜骨，開心翻d 。墨魚滑係自家的，食到魚肉，但煮熟後口感略嫌有點實淨唔夠滑，好在鮮味搭夠
另外燒茄子一定要食，好香好入味又夠腍，我地食完又加多個！特色飲品推介益力多沙冰，微酸帶甜中和辣度夠哂清涼，上面仲有d爆珠，配熱辣辣食品係perfect match
張貼
