DKLM Bar & Restaurant (已結業)

今晩同班 Friend 上嚟呢間新開嘅樓上吧食下嘢吹下水。Ktini ($128)呢個字讀都唔識讀，見有熱情果汁就嗌咗。點蟹飲咗第一啖真係眼都凸岀嚟，竟然係辣架！啲辣味仲要係隔咗幾秒先攻岀嚟。再望多次個 Menu 先知原來係用咗辣椒 Vodka、白酒、蘋果汁、熱情果和檸檬汁溝成。我就覺得個味好特别，幾多飲，可能本身我食得辣。但唔食得辣嘅就千奇唔好試。燒烤風味薄餅 ($108)Pizza 用咗辣肉腸、煙肉、Mozeralla 芝士、菠蘿整成，啲餡太少，pizza 都好細份，每人分得幾啖好唔夠喉。同埋個餅底唔夠薄唔夠脆口。澳洲羊架 ($78)呢個羊架用咗胡椒燒汁，好惹味，用質都幾腍而入味，膻味就有小小，不過過下口癮都唔錯。芝士燒美國露荀 ($58)呢個好味，露荀好爽口。但偏幼身，份量好小。