辣媽川湘私房菜

營業中

休息中

一聽到辣媽呢個名就知專食辣野，去開附近順便去埋晚飯，7點入到去都差唔多坐滿，認真多人！黎得辣媽當然要食返啲四川特色菜！酸菜桂花魚 （例牌） $219呢度既酸菜魚可以揀桂花魚或者鱸魚，我地揀左前者，魚肉幾滑，但有部分有骨，要小心啲食。例牌份量大約2人份，入面有酸菜、米粉、辣椒、芝麻等等。揀左bb辣，食落完全無辣味，岩哂bb level人士食。味道亦吾會好酸，不過個人覺得個湯比較多油。膠原脆皮豬手 $99見附近有好幾枱都有叫，貌相都幾吸引。豬手可以揀辣或者走辣，拎上手都幾重手，孜然味幾重，豬皮有少少脆口，咬落幾多筋，膠原滿滿。蒜香炒茄子 $79同樣可以揀辣或者吾辣，蒜香味好香好濃，除左茄子之外仲有少少西芹，餸飯一流，略嫌佢比較多油。水果茶 $46好多生果既一杯水果茶，有西瓜、蘋果、火龍果、橙、藍莓等等，食辣野配返一杯都吾錯，不過叫左正常甜度，個人覺得都偏甜，建議大家落單時可以少甜。