麻辣妹 (已結業)

由於朋友不停話想食辣，所以我地就搵咗呢間係旺角新開嘅麻辣小店食啦。呢到自己劃紙落單，有好多唔同小食同米線，由於同行朋友想食多啲小食，所以我地就嗌咗一碗米線一齊share。重慶小鍋米線，我地揀咗麻辣小辣，餐單上面麻辣燙嘅部分係嗌餸，加落碗米線到嘅，我地就叫咗牛栢葉，豬紅，貢丸，豆卜，金菇菜同娃娃菜。可能嗌小辣嘅關係，所以湯底就真係唔太辣，建議食辣嘅人可以狠心地叫大辣😂豬大腸拼雞中翼，小辣。呢到既雞中翼比較似滷水雞翼，完全冇辣味有啲失望，不過豬大腸就正啦每舊都好大舊，咬落去勁多油脂🤤而且亦都吸到辣味，好食！木耳拼海帶，小辣。木耳好爽口，加埋麻辣味好開胃，而朋友就比較鍾意食海帶👍🏻口水雞。呢到嘅口水雞比較多骨，而肉質亦唔係好滑，不過佢做得夠麻辣，食落好過癮，食辣的話推薦！蒜泥白肉。一上枱已經被滿滿嘅辣蒜吸引住，即刻包舊黎食！豬肉好薄身，包住滿滿辣味嘅蒜蓉，食唔停口！而且亦都唔會有好油嘅感覺，食多幾舊都冇問題！最後就係大家一致好好食嘅麻辣魚蛋。呢隻麻辣魚蛋係用加秘製辣粉係面，唔係用辣汁。首先魚蛋十分彈牙有魚香，就算唔加辣粉本身已經好好食。佢嘅辣粉係咁多樣食物入面最辣，但唔會係死辣，而係好香嘅麻