影片
更多
2018-03-30
1242 瀏覽
呢排都懶做左無飯煮婦, 所以今日放工同老公行左去深水埗方向睇下有咩食啦. 一冇咩方向想食咩既時候就係想食辣野, 因為食辣野係令到我開心同舒暢的方法.近太子同深水埗交界竟然俾我發現到一間好特別的小店,我地係響門口被佢傳出黎既香味吸引住. Omg...好麻辣既味道所以我地就望望餐牌. 真係估唔到今時今日香港仲有平民價錢的食物, $2x $3x有一碗麵真係難搵.所以決定今晚就響呢度開餐,店舖小小都有唔小人排隊,應該係老闆娘的女店員出黎熱情款待不停唔好意思要等等令到好賓至如歸既感覺. 等左一陣終於有位,叫完野食周圍望發展呢張好可愛既告示,呢間店好有愛.我同老公分別叫左一個湯牛肉麵一個燃情刀削麵,兩個麵都彈牙好味! 無論湯底或者撈麵汁都可以掛到麵,無味道的麵底配上野味的辣味,我真係開心到大叫呀! 貪心的我地差不多叫晒所有的小食. 樣樣都各色其色. 個辣汁雖然一樣但係配上唔同既食物夾埋食物本身的原味真係樣樣都別有一番風味.特別一提呢個麻辣黃金溏心皮蛋. 有別於一般的皮蛋, 佢小左一份原味多左一份金香, 精盈的蛋配埋麻辣汁真係格外滋味. 呢個麻辣抽手都係同一個辣醬不過辣度有加重!! 呢個感覺最有層次
近太子同深水埗交界竟然俾我發現到一間好特別的小店,我地係響門口被佢傳出黎既香味吸引住. Omg...好麻辣既味道所以我地就望望餐牌. 真係估唔到今時今日香港仲有平民價錢的食物, $2x $3x有一碗麵真係難搵.所以決定今晚就響呢度開餐,店舖小小都有唔小人排隊,應該係老闆娘的女店員出黎熱情款待不停唔好意思要等等令到好賓至如歸既感覺.
等左一陣終於有位,叫完野食周圍望發展呢張好可愛既告示,呢間店好有愛.
我同老公分別叫左一個湯牛肉麵一個燃情刀削麵,兩個麵都彈牙好味! 無論湯底或者撈麵汁都可以掛到麵,無味道的麵底配上野味的辣味,我真係開心到大叫呀! 
貪心的我地差不多叫晒所有的小食. 樣樣都各色其色. 個辣汁雖然一樣但係配上唔同既食物夾埋食物本身的原味真係樣樣都別有一番風味.
特別一提呢個麻辣黃金溏心皮蛋. 有別於一般的皮蛋, 佢小左一份原味多左一份金香, 精盈的蛋配埋麻辣汁真係格外滋味. 
呢個麻辣抽手都係同一個辣醬不過辣度有加重!! 呢個感覺最有層次, 因為之前都係凍盤呢個係唯一既熱盤.熱熱的抽手夾埋呢個加左辣度的麻辣, 層次位係由熱烘烘食完後會有個強烈既辣,好鐘意呢個溫暖又刺激既感覺.
最後我地就叫番碗四川的糖水冰粉, 滑啫啫甜甜地去中和番之前既油膩同辣. 冰凍得後又帶甜真係令到我全晚都非常滿足.
張貼
