悅廬精致江西菜

營業中

休息中

今日朋友帶我去食銅鑼灣新開嘅江西菜，咁大個女都係第一次食呢一款菜，菜式好大份好惹味全部都係辣嘅🙈如果係辣妹嘅話最啱去呢間餐廳🤣🍲海帶排骨湯個湯出奇地好清甜，亦都係唯一一個唔辣嘅餸🤣🐮南村牛雜用新鮮牛心、牛肚、牛筋、牛腩同埋辣汁一齊煮，唔會太靭。🌱家鄉炒扁豆用指天椒、蒜粒用嚟炒扁豆，味道我覺得有少少似炒馬拉盞嗰種。🐟乾燒小黃魚雖然見到好多辣椒，食落去又唔係好辣，肉質嫩滑，不過小心有骨。🌶️🌶️余干椒炒肉呢個係堅辣，嗰種辣味係食完之後慢慢滲出嚟，但係又超級惹味，送白飯一流。💫南昌牛肉炒米粉相比之下呢道菜冇咁辣，似係麵線多過米粉，加上牛肉絲同埋其他配料，食到呢度都好飽。最後仲有白糖糕可以食，本身食完之後個嘴好似辣到腫腫地，食完白糖糕之後就即刻冇 咁辣。