爆汗串串 (已結業)

本來約左7點半，黎早左，6點半左右，暫時都未見滿座，唔洗等長驅直入。有留意下既唔難發現，爆汗串串賣左唔少廣告，加上打正旗號做正宗既 川菜。人流多架，各位想試就BOOK位 / 早點到。 (小小既題外話，食之前要著返件巾先，我真係有彈到，一身蟻。餐廳好貼心有準備到即棄布比大家。開左就記得用唔好浪費呀。)介紹返係點叫野食先，爆汗串串係放題式既，除左串串係放題，仲有飲品放題同其他小食等等提供。價錢每人$168，未包野飲，野飲放題另加$30，出去買支水都$10既時候你仲要諗咩呢? 真係唔係打廣告架，食咁辣好難唔飲野。而且餐廳唔準人自帶野飲，當日去到其實都有人拎支奶出黎.......(請大家自重，做個有質素既香港人，尊重返餐廳) 如果大家係黃金時段黎，仲可試埋五款小食，蒜泥青瓜、麻辣海帶、麻辣千層肚等等....串串部分總之係大路野都齊。37款。任揀唔嬲，唔浪費就可以了。第一次點串串店員通常會叫你點多少少先，要煮嘛。餐廳貼心位: 有白飯有水餃有粉麵，岩晒中國人。老冰粉。我一定要重點推薦。IF 你係四川人或者去過成都果D地方，行過小巷民都可能會見過望過。四川人夏日解暑既聖物，就係佢。而佢係爆汗串串既功