影片
更多
2009-08-18
15 瀏覽
家姐星期六就返回加拿大,見近日Openrice裡有間麻辣媽媽人氣上升, 就問家姐意下如何, 估唔到原來十幾年前佢陪姐夫上廣州開荒時, 已經喜歡四處揾不同特式菜食, 佢即時話好, 好懷念當年係廣州食到嘅麻辣我地6點9到達, 因為我地冇訂枱, 一行六人, 門口老闆問人齊未? 我只差兩個, 嚟緊...佢即刻拼枱比我地....算佢啦, 不過又真係嘅,估唔到我地坐下不久, 門口已經有人係到等.好...冇幾耐人齊, 個個都叫我揸Fit, 我唯有用我係大陸慣用手法,去門口揾佢老闆推介老闆真係老闆 - 食蟹嘛? 238.- 一隻,好大隻,好抵食.......點整法?避風塘.....???唔係四川菜??...好,我拍得你膊頭,我信你...我要兩隻.....佢用好平和聲音答......得一隻咋, 好多時好快賣哂, 試過好味,下次打來訂枱訂埋,留隻大Ｄ比你..........@####$$........好, 一隻就一隻.仲有嘜嘢好介紹........佢話水煮魚, 我話好怕骨, 佢話用老虎班嚟整,絕冇幼骨同骨碎, 我心諗家姐一場來到, 好, 食好Ｄ.................點賣法, 幾錢兩.....
我地6點9到達, 因為我地冇訂枱, 一行六人, 門口老闆問人齊未? 我只差兩個, 嚟緊...佢即刻拼枱比我地....算佢啦, 不過又真係嘅,估唔到我地坐下不久, 門口已經有人係到等.
好...冇幾耐人齊, 個個都叫我揸Fit, 我唯有用我係大陸慣用手法,去門口揾佢老闆推介
老闆真係老闆 - 食蟹嘛? 238.- 一隻,好大隻,好抵食.......點整法?避風塘.....???唔係四川菜??...好,我拍得你膊頭,我信你...我要兩隻.....佢用好平和聲音答......得一隻咋, 好多時好快賣哂, 試過好味,下次打來訂枱訂埋,留隻大Ｄ比你..........@####$$........好, 一隻就一隻.
仲有嘜嘢好介紹........佢話水煮魚, 我話好怕骨, 佢話用老虎班嚟整,絕冇幼骨同骨碎, 我心諗家姐一場來到, 好, 食好Ｄ.................點賣法, 幾錢兩.........佢又用平和嘅聲音......咁大條都係328.-,好抵食.........又真係唔貴.
然後佢叫試吓麻棘田雞煲, 同埋麻辣燙....一碟牛,一碟羊好嘛? 我又係那句, 好! 我信你
跟住我話有冇Ｄ唔辣嘅餸比個女同家姐個新抱仔, 佢就介紹咗蒜泥白肉, 豬手刀削麵,干扁四季豆,蒜蓉皇帝菜 (皇帝菜?? 唔係大陸先至有咩!!我即時反應...正,正正)
好快, Ｄ菜就上,
避風塘炒蟹
水煮老虎班, 十足味道 香、辣、鮮、爽、滑
麻辣燙牛、羊
蒜泥白肉, 我個女只有五歲, 佢唔知係肥肉,食咗好多塊
麻辣田雞煲, 好辣,唔夠麻, 田雞肉好幼嫩...老闆話即擋即煮
伙記問我地啤唔啤酒......又係呢句...好...一人一隻杯,除咗我個女...點知來咗７隻大冰杯, 叫咗２支大啤酒都唔夠, 飲了多少支都唔記得....只記得好夠凍, 好飲,越食辣越飲得多...
今次真係好彩, 我家姐成家人都話正! .......我呢個細佬冇令Ｄ加拿大人失望,香港生活唔係咁差啫!
張貼
