鐵魚川式食堂 (已結業)

香港的春天，乍暖還寒，時晴時雨，人體内濕氣特別重，故這段時間，我會較頻密揀食一頓辣，驅濕又刺激一下味蕾。就像今晚揀了鐵魚川式食堂。這裏二人便可有全魚或全鷄煲，四種煮法任揀，辣度分六級，形容詞好頂癮分別是，超流灘、流灘、尷尬、好銀、跳樓咁同跳海咁辣。既然是川式食肆，我就揀了麻辣煮法，不想食太多肉故棄鷄選魚。我耐辣度不是太高，選的是第二級流灘辣，店員說很微的辣。上桌時，須是二人份，全魚的份量也頗大，麻辣味很出窩未加熱至大滾，香味便陣陣傳來。 我選了條江團魚，因肉質滑，煮久也不乾嚡，啱我地慢慢邊傾邊拾下拾下。魚肉真的鮮甜稔滑，剛開始時麻辣很滋味，但並不流灘，食住食住，就辣到我滿頭大汗，幸好店員謂可加湯底減淡辣味，但若 嫌不夠辣要加辣就要另外收費。辣味是減了，滋味卻不改。我點的是銅魚餐90 分鐘用膳時間，除咗一個全魚鍋之外，仲包兩個前菜， 一碟牛肩脊，一碟四款肉拼盤，同埋一個菜籃，每人$198加一，好抵食。碟牛肉鮮嫩，四款肉拼盤最欣賞個芝士雙響，入面係流心芝士好有特色味道唔錯。