川莊

營業中

休息中

平時夜晚經過呢間餐廳都好多人等位，難得今日早食飯，見冇人等就入去食嚕～呢間川菜館嘅裝修好靚，碗碟都好有特式。呢到嘅菜唔係平時一般飲茶個啲茶，而係杯入面有材料俾大家焗茶飲，係香港都好少見。餐廳好細心，杯茶用上菊花茶，清熱之餘亦為客人解解辣。我哋本身想叫酸辣湯同小菜嘅，不過見佢嘅水煮魚係招牌就叫咗個。呢到叫水煮魚仲可以揀四款配料，我哋就揀咗薯粉、牛肚、腐竹同埋金菇。另外，我哋仲叫多咗個炒花甲。水煮魚我哋叫咗一分辣，即係最小嘅辣，但同行嘅朋友都辣到出哂汗，紅都面哂。不過佢就話個辣係令佢食上癮，愈食愈想食。佢呢個水煮魚嘅味道配合得好好，唔會一味得個辣字，麻味同咸鮮味都好出。個魚係食得出佢嘅鮮甜，而且份量都好夠。唯一差啲嘅係佢嘅薯粉，好似煮得太淋，一夾就斷，同埋唔係我一開始期望嘅火鍋粉。而個花甲就一般般啦，肉唔太多，味道偏甜，而且冇寫嘅三分辣咁辣咁。