麻辣派對 (已結業)

為慶祝我的好閏蜜成功忍口一年，生完BB終於唔洗介口，我哋今日就陪佢食到盡😊我食辣既程度只有譚仔既十小辣，但係我都敢黎食，連我自己都覺得我夠晒老友啦😅（全部菜色都叫小辣）完全係冒著生命危險去食呢一餐⋯成間餐廳感覺好異國風情，黑色同紫色做主調，枱上有個水中蓮花，同佢啲餸菜既江湖味做成強烈既對比。講返重點先，我哋一共叫咗三個餸，重慶麻辣雞煲、酸菜煮桂魚、鮮椒爽脆生腸重慶麻辣雞煲-好味道，有時出面食雞煲時啲配料已經煮到過熟，呢度完全係啱啱好，啲洋蔥仲係好有口感👍辣度可以接受，雞既份量都好夠，食極都仲有咁酸菜煮桂魚-呢個堅辣🤣🤣但係因為佢個酸菜味好重，輕輕咁中和啲辣味，魚肉好滑，下面佢仲會有啲粗薯粉喺底，如果兩個人食叫一個其實都夠飽啦👍鮮椒爽脆生腸-大肚婆朋友睇餐牌第一樣話要叫就係呢一味🤣重口味人士必點，爽口既口感加埋麻辣既味道我哋一行三人坐咗差不多三個鐘，都無過黎趕我哋走👍nice