新記車仔麵 (已結業)

朋友好鐘意食車仔麵，所以成日跟佢去食，呢間都係佢好鐘意食嘅其中之一！食車仔麵就預無得坐得舒服架嘞，一定係搭枱加接櫈格局，我今次點左三餸一麵40 蚊！佢兩餸就36蚊！我揀咗魷魚鬚、蘿蔔、豬腸，加腩汁同辣汁！魷魚鬚好好食，彈牙唔會冧，豬腸不過不失，蘿蔔有啲失色因為有渣，值得一讚係腩汁，好濃好味，辣汁其實係辣醬，我唔係好食得辣但都覺得好味！我揀左粗麵，但麵就無咩特別！不過成碗麵份量都唔多，如果餓嘅朋友可能未必食得飽嘞！