麻辣妹 (已結業)

好耐冇食辣野，咁岩係旺角放學行街見到呢間，望落幾多人，野食又好似幾吸引，所以入左去。入面都吾少人，等左一陣就安排我地入去坐。望住餐牌，d野食都幾抵，吾貴，所以同朋友考慮左好耐。不過好彩d小食有得雙拼，所以我地可以試多幾樣。我地叫左口水雞，$32，雖然平，但份量適中，有吾少雞肉，2個人係夠食。之後我地重叫左木耳拼青瓜，好爽口，d辣係有麻，幾過癮。我地重加左豬耳拼豬大腸，好入味。我地叫左小辣，吾算太辣，下次可以挑戰勁d。我叫左紅薯粉配金菇、雞翼、炸鯪魚球，幾多料。而朋友叫左手工涼皮，粉皮既質感吾錯，軟硬恰到好處。而且，因為本身粉皮係比較闊，所以加埋金菇同埋麻辣醬，真係好入味。最後我地驚辣，所以叫左杯咸檸7同檸7飲，食完辣野飲好爽。