十二味不只是烤魚 (已結業)

我係一個無辣不歡的人，只要食湯粉麵，離唔開一瓶辣椒油，無它，整碗粉麵就好似無了靈魂咁！朋友都知我是愛好，就相約近期好有人氣的烤魚。去到餐廳附近，已嗅到了陣陣的香味及辣味，口水已流出來了。門前的一幅畫已經好吸引了。入到裹面，裝潢有點似日本風味。餐具有特式，好耐都沒見過，用搪瓷鐵杯、碟，睇到，就想起以前大陸年代。點左經典麻辣味，麻多少辣，魚就叫左江團魚，少骨多肉，魚肉肉質啖啖肉，夠鮮甜，初食，味道還未入味，未覺得是辣，還可接受，但湯底越滾越入味，花椒八角出晒味，湯底就濃稠，配料牛百葉、黃豆芽、金針菇，都已吸上味及精華，一時百感之味，都湧上來了。加拿大肥牛，肥牛有點肥，薄切，淥一下就可以食，肉質鮮美，嫩滑可口。金玉蛋黃炒飯，只食烤魚，好似都唔係好夠，又想有點飯，炒飯是我的喜愛，熱辣辣，飯粒分明，帶子粒粒鮮甜，不油膩。