影片
更多
2014-08-11
2479 瀏覽
約左好耐無見既朋友食飯，2年前係北京認識，食左唔少辣野，今晚特登要試下呢個麻辣香鍋，重溫一下 十二味唔難搵，出左地鐵行一條街再轉入另一條小街，就係甜唔工房隔離上5樓，一出lift已經見到大大個名! 原本上到去就無晒枱，不過我地訂左枱，店員就安排一枱岩岩坐低既客人轉枱而比張枱我，搞到我有少少唔好意思，不過既然知道有人訂枱就應該安排好嘛... 留意到呢度有室外位，別有風味，如果唔係天氣悶熱都可以坐出面 而且呢度裝修幾有家的溫暖既感覺, 木製既桌椅, 如果加個火爐就好有個種冷冷的冬天要食辣鍋既feel! 加上侍應大多都係講普通話, 真係好有回到北京既味道! 坐低就見到枱面放左張設計精美既點菜紙, 可以選擇鍋底, 餡料, 小菜, 飲品... 簡單易明, 亦有打星推介菜式! 受朋友推介揀左個蒜泥黃瓜做前菜, 係個凍盤黎既, 微酸既青瓜有點蒜味, 幾開胃, 都唔錯!叫左個孜然鍋底, 根據菜單既scale: 微辣<小辣<中辣<大辣<變態辣, 我地揀左中間既中辣, 希望唔好太辣啦! 黎到見到都有好幾粒大辣椒係面, 而且都嗅到一陣辣味, 幸好放入口都仲OK
十二味唔難搵，出左地鐵行一條街再轉入另一條小街，就係甜唔工房隔離上5樓，一出lift已經見到大大個名! 原本上到去就無晒枱，不過我地訂左枱，店員就安排一枱岩岩坐低既客人轉枱而比張枱我，搞到我有少少唔好意思，不過既然知道有人訂枱就應該安排好嘛...
留意到呢度有室外位，別有風味，如果唔係天氣悶熱都可以坐出面 而且呢度裝修幾有家的溫暖既感覺, 木製既桌椅, 如果加個火爐就好有個種冷冷的冬天要食辣鍋既feel! 加上侍應大多都係講普通話, 真係好有回到北京既味道!
坐低就見到枱面放左張設計精美既點菜紙, 可以選擇鍋底, 餡料, 小菜, 飲品... 簡單易明, 亦有打星推介菜式!
受朋友推介揀左個蒜泥黃瓜做前菜, 係個凍盤黎既, 微酸既青瓜有點蒜味, 幾開胃, 都唔錯!
叫左個孜然鍋底, 根據菜單既scale: 微辣<小辣<中辣<大辣<變態辣, 我地揀左中間既中辣, 希望唔好太辣啦! 黎到見到都有好幾粒大辣椒係面, 而且都嗅到一陣辣味, 幸好放入口都仲OK, 仲辣得幾過癮 原來孜然係一粒細細既調味, 好似八角咁樣, 帶D香香麻麻既味道, 食既時候唔覺意咬到粒孜然個口就會麻麻地, 所以大家要小心!我地叫既雞軟骨, 雞腎, 豬耳, 凍豆腐配辣都好過癮, 爽爽既質感又帶有辣既刺激, 食到唔識停!
食辣野當然要飲杯凍飲先掂啦 朋友叫左杯海南風情, 佢地描述為黑色罐個隻椰汁奶... 我就叫左杯桂花冰釀, 原本以為係帶酒味既, 不過都係淡淡的, 最尾有少少桂花味... 都係辣鍋比較出色, 飲品只係一般...
埋單個時送左一人一粒糖, 可能係驚我地太辣, 粒糖上面印左十二味, 好特別! 不過就唔係太好食... XP
張貼
