影片
更多
2018-07-31
1693 瀏覽
身邊的老饕朋友，不約而同大讚呢間新開張的尚港味，話粵菜了得次餘，川菜亦好正，搞到我辣癮起，要來麻辣一番。 店子就在前糖街CEO Neway的位置，一過馬路便有亡命飛Van搭，直到我家樓下，方便得很。 不要以為新登場，無乜人知，生意會麻麻。其實只是我早來，一點過後，高朋滿座。 要有杯凍飲，以防萬一，否則辣到hihi時，遠水救不了近火。經理推薦荔枝冰，今期買一送一。反正吃辣，多來一杯也無妨。 首次光臨，要一熱菜一涼菜小試牛刀，如果掂既話再拉埋辣友們搞個局。 蒜泥白肉卷，薄薄的豬肉片唔會有一陣雪味，包裹著爽脆的青瓜造成卷狀，口感幾好。面頭鋪上蒜茸及紅油，辣勁不弱，味道正宗，來得清爽醒胃。 麻甩一點，要份干鍋蝦。海蝦夠大蝦，擺盤花過心思，似乎靠得住。蝦殼查實最入味，所以應要用口咬開，唔好用手搣，除非你頂唔順佢既辣。蝦肉爽口，麻辣俱備，清埋墊底的青椒、洋蔥，乜乜乜，愈吃愈精彩。 臨尾整碗涼粉降一降火，舒服晒！ 找個機會再來，試埋佢既小菜和燒味，順便搞個川粵時空局？
身邊的老饕朋友，不約而同大讚呢間新開張的尚港味，話粵菜了得次餘，川菜亦好正，搞到我辣癮起，要來麻辣一番。店子就在前糖街CEO Neway的位置，一過馬路便有亡命飛Van搭，直到我家樓下，方便得很。
不要以為新登場，無乜人知，生意會麻麻。其實只是我早來，一點過後，高朋滿座。
要有杯凍飲，以防萬一，否則辣到hihi時，遠水救不了近火。經理推薦荔枝冰，今期買一送一。反正吃辣，多來一杯也無妨。
首次光臨，要一熱菜一涼菜小試牛刀，如果掂既話再拉埋辣友們搞個局。蒜泥白肉卷，薄薄的豬肉片唔會有一陣雪味，包裹著爽脆的青瓜造成卷狀，口感幾好。面頭鋪上蒜茸及紅油，辣勁不弱，味道正宗，來得清爽醒胃。
麻甩一點，要份干鍋蝦。海蝦夠大蝦，擺盤花過心思，似乎靠得住。蝦殼查實最入味，所以應要用口咬開，唔好用手搣，除非你頂唔順佢既辣。蝦肉爽口，麻辣俱備，清埋墊底的青椒、洋蔥，乜乜乜，愈吃愈精彩。
臨尾整碗涼粉降一降火，舒服晒！找個機會再來，試埋佢既小菜和燒味，順便搞個川粵時空局？
張貼
