影片
更多
2022-12-20
79 瀏覽
天氣咁凍，最岩就係食辣嘢，揀左呢間傳統啲嘅川菜餐廳。嗌左個酸菜魚，佢呢度個湯唔油，而且好夠酸，朋友食到讚不絕口。而且佢個酸菜魚仲有好多薯粉，真係包你飽。不過我地嗌左鱸魚，個人覺得魚肉比較少而且都好多骨咁，都唔係太夠滑，果然都係一分錢一分貨。另外仲叫左個香辣炒田雞，佢實質唔係太辣但就真係好夠麻，麻得好過癮。而佢啲田雞都切得好大舊，唔似其他地方咁碎上，可以食到好滑嘅啖啖肉。朋友好鐘意食蒜泥白肉，所以叫左個嚟食。個擺盤都幾靚，啲蒜都好香，辣到條脷痺痺地都幾過癮。菜方面今晚試左新嘢，捨棄左最愛嘅萵筍。呢個菜係將春菜切粒炒，春菜本身都炒不免有澀味，所以還好啦，如果可以做到唔澀就好了。嚟到川菜館點都要試下佢地嘅冰粉，不過真係有啲失望。因為佢個口感唔係正常得滑滑Q彈Q彈果種。佢食落比較硬身，同有點鞋，加試冇咩配料調味感覺有點咸。兩個人食飽飽都係每人250蚊左右，嗌餸食飯嚟講都算唔錯啦。
天氣咁凍，最岩就係食辣嘢，揀左呢間傳統啲嘅川菜餐廳。
嗌左個酸菜魚，佢呢度個湯唔油，而且好夠酸，朋友食到讚不絕口。而且佢個酸菜魚仲有好多薯粉，真係包你飽。
不過我地嗌左鱸魚，個人覺得魚肉比較少而且都好多骨咁，都唔係太夠滑，果然都係一分錢一分貨。
另外仲叫左個香辣炒田雞，佢實質唔係太辣但就真係好夠麻，麻得好過癮。而佢啲田雞都切得好大舊，唔似其他地方咁碎上，可以食到好滑嘅啖啖肉。
朋友好鐘意食蒜泥白肉，所以叫左個嚟食。個擺盤都幾靚，啲蒜都好香，辣到條脷痺痺地都幾過癮。
菜方面今晚試左新嘢，捨棄左最愛嘅萵筍。呢個菜係將春菜切粒炒，春菜本身都炒不免有澀味，所以還好啦，如果可以做到唔澀就好了。
嚟到川菜館點都要試下佢地嘅冰粉，不過真係有啲失望。因為佢個口感唔係正常得滑滑Q彈Q彈果種。佢食落比較硬身，同有點鞋，加試冇咩配料調味感覺有點咸。
兩個人食飽飽都係每人250蚊左右，嗌餸食飯嚟講都算唔錯啦。
張貼
