四姐川菜

營業中

休息中

今日lunch同同事試呢間四姐川菜，朋友係米線小辣level，而我就只有五少辣level，我哋坐低叫咗兩個熱菜兩個涼菜，叫咗招牌嘅四川涼麵，紅油抄手，水煮魚，回鍋肉。四川涼麵係辣醬配上撈麵，第一啖食落口唔太辣，但點知後勁凌厲，我朋友食得越辣越過癮，而我就剛剛好可以接受。水煮魚相比起上嚟唔算太辣，而且份量好足，我諗每個人至少食咗七至八舊魚，加上芽菜同埋薯粉，性價比好高。紅油抄手辣度都係可以接受，有七至八粒，每粒都好Juicy。醬汁回鍋肉都係好大碟，每人最少七至八塊，味道香濃，配埋飯食效果更好。埋單都係五百幾，銅鑼灣食川菜首選，份量足味道正。