第三站

之前都有去過金雞廣場25樓食野，今日再去，已經係2 年後既事啦。唔知係咪同一間，之前果間有漫畫有board game,但呢間依我所見就只有board games,菜式差唔多，都係有我最喜愛既煙三文魚忌廉意粉，唔同既係餐廳既格調，依家既station 3 暗暗地，多左d盆栽，比之前多臺凳，比之前浪漫氣氛濃點。話說餐廳好岩三五知己聚會，我地以前成日黎，就係貪佢有board game,例如層層疊，dixit,Pictionary 等等 可以玩足成日！可愛既三眼仔野食選擇唔係好多，但菜式質素都十分好，意粉飯為主，有d小食，同埋大量飲品選擇，話哂係cafe. 叫左兩個set, 唔係好貴，有個35 蚊飲品（多左補差價），主菜，加30 蚊仲有蛋糕甜品同沙律，絕對抵食啊！叫左個煙三文魚忌廉意粉，墨西哥辣肉丸意粉。我比較中意後者既肉丸，真係十分惹味，陣味有d似麥樂雞，但辣辣地，肉汁好多，好味啊，煙三文魚意粉既忌廉汁多又香滑，煙三文魚都好大份。好抵叫既沙律同蛋糕！之後仲叫左個小食拼盤，即叫即炸，58 蚊有齊多款小食，脆皮腸，4 隻蜜糖雞翼，咖哩角，春卷，薯條，魚蛋。。。除左薯條硬左小小，其他豐富之餘又好味