AC2 Canteen

營業中

休息中

Ac2最冇伏嘅必然係飯類嘅食品，雖然都係少少頹，但起碼個伏細好多。Lunch叫咗個咖哩炸雞脾飯，食落又果然真係唔伏喎。份量方面，飯都係大概一大碗嘅份量，隔離都鋪住頗多嘅咖哩汁，而且隻炸雞脾都大隻。先講咖哩，佢個汁唔係日式咖喱，似係印度式嗰種，同埋佢個汁係非常辣嘅。會食到流曬汗😿😿佢個炸雞脾，真係有驚喜！冇諗過佢又炸得幾好喎。佢起碼炸到出面皮幾脆，入面肉又唔會柴曬，雖然佢唔juicy，但啲雞肉都食得出有醃過。成個set配嘢飲，都食得飽。