上海婆婆336 (已結業)

天寒地凍唔想煮飯， 於是就去咗336上海婆婆度買外賣返屋企食。 我哋兩個人， 叫咗一盒蟹粉小籠包， 川椒辣子雞，同埋銀芽炒鱔糊。 蟹粉小籠包皮薄餡靚，有蟹粉味， 美中不足嘅係 ，佢哋畀嘅醋裏面沒有薑絲， 呢度要扣少少分。 而炒鱔糊就好好味，不太鹹， 值得一試。 川椒辣子雞就非常辣，唔食得辣嘅朋友就千祈唔好試喇。 之前都已經食過336上海婆婆好多次， 質素一向都唔錯， 推薦嘅食物有：小籠包、炒鱔糊、鍋貼 、排骨擔擔麵，同埋炒黃魚。