NeNe Chicken (大埔超級城) (已結業)

呢排睇得韓劇太多心血來潮想食炸雞所以同老公兩個人就走咗去大埔中心度食nene chicken 今次我哋就叫咗咗一個初雪炸雞半份上枱非常之熱辣辣，面頭鋪滿晒啲芝士粉，芝士味濃郁，而且雞肉無骨，入口啖啖都係肉，非常之滿足，肉質非常嫩滑一啲都唔鞋口，不過就越食越辣真係啱晒鍾意食辣嘅朋友，非常之過癮！另外仲叫咗個芝士年糕伴拉麵，年糕煙煙韌韌而且拉麵幾爽口仲配埋韓式炸紫菜卷口感都算幾特別，整體來講呢間啲炸雞都幾好食應該會再嚟食過！