肥姐麻辣餐廳

營業中

休息中

小妹好少食辣野，一來腸胃不太好，二來辣野多數好油。今次破例黎食肥姐麻煩館既原因係，有朋自遠方來，行行下荃灣佢話想食辣野，唯有「捨命陪君子」，大不了，食少D。呢間野大大隻辣字，中正我地既需求，隨便的就入左去食喇。呢間菜館生意都唔錯，店員成晚都忙東忙西。今餐由朋友發板。雞腳唔辣，朋友讓哂比我食。惹味既前菜，很醒胃，食得我津津有味。元蹄好大舊呀，都好多肉食，加點芫荽醬油，可以送一碗飯。水煮魚呢一碟係朋友既，份量都幾大。我食唔到辣，每食一啖都撈大大啖飯。可能係我既問題，真係好辣好辣啊！魚肉幾滑，好入味的，可惜我吃不了太多。朋友話夠哂辣，一個人清哂成碟水煮魚，真厲害。另外仲叫左一碟炒菜，都係辣的，幾爽口的。