Bingo & Cook (京都廣場)

營業中

休息中

耐唔耐都會食吓韓國菜，呢間bingo & cook都幾出名，喺尖沙咀同銅鑼灣都有分店，食物質素幾高😌之前食過佢嘅辣醬炒豬肉，好好味，所以每次嚟都會點，而且好大份，大家share食啱啱好👍🏻佢個醬汁真係好好味，配肉同菜都好味，而且豬肉口感好好，唔會好肥，食落非常惹味🥰另外必食嘅係佢嘅餅，之前食過海鮮餅好好味，今次試咗韭菜牛肉餅，同樣食到停唔到口，好香脆，我哋仲加埋豬肉入邊嘅辣醬一齊食，更加滋味✌🏻今次我哋冇食炸雞，試咗呢款50cm嘅海鮮火鍋，真係打卡一流，要用兩個爐先可以煮到，入面鋪滿各類海鮮，有蝦、蟹、鮑魚、青口、魷魚、扇貝等，真係好誇張。