九龍粉麵 (已結業)

無辣不歡既我又撞上我最愛既雞🐔，真係正到爆。除左雞，仲有牛以及鮮魚湯麵。九龍粉麵主打:自家製無添加食材。不含味精與防腐劑。見到menu已經覺得好吸引。今日又因為著左淺色衫，所以選擇撈麵。order左一個麻辣手撕雞撈麵。麻辣辣度可選擇。我選左中麻辣。而鋪頭主打營養價值更高既青花椒。有去濕開胃之功效。因本人並不喜歡食鹼水麵，所以落order時都特登問左侍應係咩麵。侍應話唔同與鹼水麵。雖然外型相似，但無鹼水味。試過果然如此。一上臺首先第一反應，個份量好似並不多，原本以為不夠食既點知食到最後却覺得份量岩岩好。下午3點零鐘食完一直到深夜都不覺得肚餓。好頂飽添鮮嫩既手撕雞加上自家製既辣醬，真係非常開胃又好食。麻度十分足夠，以至於有段時間都feel到個嘴都仲麻緊，係舒服既。最後仲配埋一碗鮮甜既雞魚骨湯。解麻解辣之餘，為這餐畫上完美句號。