四姐川菜 (已搬遷) 新店位置

四姐川菜係一間私房菜形式既飯店, 唔係sell 環境裝修, 而係認認真真咁煮地道四川菜, 唔係朋友介紹都真係唔識搵。 一向唔多食辣既我... 今日捨命陪君子, 挑戰一下四川菜!!! 我地叫左好多味菜, 全部都真係好辣, 每碟我都只係食到一舊..就要飲好多 "王老吉" 去解辣, 不過我相信, 世界上係有好多人好食得辣, 我覺得係值得一試既~ 當然佢地亦有唔辣既菜, 好似甜酸魚, 炒薯粉, 青菜 我地真係叫左好多味餸, 我個人最鍾意既係辣子田雞, 同水煮魚, 雖然真係辣到條利都麻左. 不過個味道真係好~ 魚好滑! 田雞好嫩~ 辣蟹同拍青瓜亦都好好味 , 不過個蟹殼已經好辣, 我都唔係太食到~ 哈哈...推介既重有涼面, 個個都話好食, 重叫多左一碟~