辦館 (已結業)

尋日同好友去 landmark shopping ~之後搵個地方食下 tea, search 下周圍有咩食，就搵到呢間餐廳。間餐廳叫 "辦館"，入面除左可以飲咖啡之外，仲可以買理髮用品！一坐低，一人一杯 Rose Latte，不過一杯凍、一杯熱～我飲凍 Rose Latte，因為我唔算太好咖啡，所以我要 single shot，要多奶～飲落去有好香玫瑰味，味道清新唔會話好甜！朋友果杯熱 Rose Latte拉花拉得好靚，佢話玫瑰香，咖啡濃，唔錯 =] 之後點左個黑松露芝士多士 ~遠處已經聞到黑松露既香，食落加埋芝士既配搭，完全冇得輸 =]多士烤得好脆，而包身就軟棉棉，唔會太熱氣！ 之後再黎個火腿温泉蛋芝士多士！同樣多士鋪滿左芝士，多士上有火腿同温泉蛋 =]切開温泉蛋時，蛋王汁慢慢流出黎，好 juicy 飽肚，但又唔會太膩～ 最後要點多個cheese cake ！個蛋糕真材實料，而且芝士味非常香濃，食完好滿足！