PizzaExpress (帝國中心)

營業中

休息中

幾個月前先去完旺角果間堂食，覺得食物服務都幾好...今次去尖沙咀呢間...食完難怪咁多人要北上消費...首先我好憎等位，所以星期六特登揀下午茶時段去，兩點半左右唔洗等即入，眼見有約6枱客，有2-3樓面，坐低俾個menus果下都有介紹邊啲係小食/主菜/甜品/酒水/聖誕限定等(其實menus中英對照)到呢度都感覺還好...點知想點食物果下係揾唔到人，見隔離枱想點嘢又係舉手無人理，到終於有人理點到食物啦~點咗小食加pizza，等咗10分鐘以上先有嘢食，不過呢間出名即叫即整，可以接受嘅...最先嚟咗個小食，食完10分鐘後先再上個pizza點咗煙燻燒烤醬牛肉薄餅，上次去旺角果間都點咗呢個pizza覺得幾好食，可能太餓求其影完就食，開頭都冇為意焗燶咗，因為燶果邊向外，點知食到另半邊就食到好多燶邊，勁苦...同埋我食第一塊已經覺得唔同咗味咁，仲諗緊唔通上次唔係點呢個pizza？特登搵番旺角張相一對比，沒有對比就沒有傷害，先發現尖沙咀呢間勁少牛肉...去到埋單又俾錯另一枱張單我，真係要睇單，唔係俾完錢先發現就煩多轉，食完呢餐個感受好差，我要記住呢間分店以後唔再去。