Ruby Tuesday (已結業)

六月二日(一)今日第一日返新工，我地果TEAM人出左去九龍灣德福度食飯，原來公司行過去都OK唔算太遠，尼間餐廳其實都知道下佢唔係平野，今日迎新都去尼度食真係好開心～ 我揀左Ruby Mins：包括主菜、餐湯、飲品～餐湯白湯，裏面有蒜蓉包粒，好濃幾好味～ Ruby mins由兩個細漢堡包同一堆薯條組成，可選牛、雞，這裡牛較出名，選了兩個牛。包雖然較細但牛肉好厚，亦都有肉汁，但醬汁未算多，只得面層茄汁和底層小許沙律醬，吃落較為乾～　整體黎講都算幾好，不過個人認為MOS塊牛好食過佢不過薄好多～　薯條係厚切果款，較有口感，炸得都唔錯，會有D邊位較為細條脆身，有兩種唔同口感～餐飲凍檸茶好大杯，糖漿自己落，但茶味唔算香兼有d鞋口，都係我地香港茶餐廳凍檸茶好飲d～ 最深刻係估唔到尼度侍應英文非常流利，好pro，初頭以為要係尖沙咀，中環尼d地方先會有咁pro既侍應，原來九龍灣尼度都有！ 而且服務仲好好，我地有咩要求都好快滿足到我地，亦好有禮貌，值得一讚～