天澗居酒屋

營業中

休息中

今日同屋企人一齊食下日本野。見到桌上有富士山 🗻紙巾架，好有心思。拖羅蓉海膽丼 $138拖羅新鮮又唔會有根，海膽都好鮮甜，我會形容有d地方既海膽有街市味，唔係腥，但不太能接受，但依個完全冇依隻味，下面醋飯味道都剛剛好。茶碗蒸係跟餐既，佢入面有d蟹肉，十分足料。田樂炸豆腐 $56豆腐外面脆脆的，一咬好熱，跟住就有d汁出黎，好juicy，加上上面甜甜地既醬好開胃。魚裙邊壽司有燒手法，令到魚既油香更出，又唔會有根，一入口即溶。帶子壽司用料新鮮，但唔算太大驚喜。免治雞肉串 $38肉嫩，加上甜甜醬汁，更入嗎。燒白鰻串 $68魚皮燒得十分脆香，但我就比較鍾意爽身，佢就係比較淋身。江戶前玉子燒 $49有別一般玉子燒，依個係比較肉蛋糕，但蛋味好香，咬落又好鬆軟。海蝦天婦羅 $68海蝦外層好脆，蝦都爽，但可以再生小小，有d過熟。整體黎講食物價錢都好合理，食左不少野，兩個人大概$700左右，係市區既居酒屋會貴好多。