ADD+ (已結業)

餐廳座落M+博物館入邊，除咗星期一休館之外，其餘時間要進入餐廳係要經過M+博物館嘅入口。如果由ELEMENTS過去嘅話，可以經LV嗰層，渣打銀行隔離有條橋，一行落去沿路行一兩分鐘就到。留意餐廳只有室內座位，而室外嘅枱係屬於另一間take away嘅小店。今次星期五同同事第一次嚟到呢間餐廳食lunch，一行三人，睇完lunch set嘅配搭，都係覺得散叫合心水啲。可能因為限時90分鐘，所以侍應好似好想你一坐低就叫嘢食餐廳大多數點心都係一份3件嘅，今次叫咗柚子蝦餃，鰻魚春卷，叉燒腸粉，叉燒酥，山竹牛肉，仲有一個就係店員推介嘅炒意粉，最後叫咗個雞蛋仔做甜品。人均消費約$208老實講，嘢食嘅賣相，價錢，同埋質素都唔太突出，以大概$200食點心嘅lunch嚟講， 一橋之隔，ELEMENTS入邊有更多更好嘅選擇