影片
更多
2018-02-07
100 瀏覽
以前既荔枝角真係一個工廠舊區，附近都係連鎖餐廳同茶記自從d2 place開左，多左高級餐廳同商店，係一個唔錯既地方今日同朋友黎到d2 place 2期既kool kitchen!餐廳都幾特別，通常都係開放式餐廳又會餐廳出面都有位，但佢又唔係開放式，funny!餐廳入邊都好大，灰黑色做主題，整潔乾淨除左正廳，邊旁仲有一個廳，想靜少少既可以入去坐!餐廳都幾有藝術感，掛左大大少少既油畫點綴下氣氛而原來呢一邊都有一個房，但可能係vip房，要book先得，餐廳係半自助式，點餐都係睇好menu出counter俾左錢先，之後order就會隨後送上而好多既調味料都係放出黎，等客人任意添加，杯碟餐具唔夠用隨時去拎，而且放係當眼位非常方便有dinner set我都唔睇太多單點既menu了，set一定會平d但餐廳既risotto好吸引! 根據唔同食材個飯都襯返唔同顏色，非常有心思!而且賣相好靚花茶方面都唔錯，但中左咖啡毒，都係飲返啖熱咖啡算點左兩份dinner set先黎左龍蝦海鮮餐湯!龍蝦味一般，但鮮甜味十足，海鮮材料足先有咁甜牛角包都唔輸蝕! 牛角包夠香夠鬆軟，我鍾意點湯食! 吸左湯之後既牛角包雖然冇酥
自從d2 place開左，多左高級餐廳同商店，係一個唔錯既地方
今日同朋友黎到d2 place 2期既kool kitchen!
餐廳都幾特別，通常都係開放式餐廳又會餐廳出面都有位，但佢又唔係開放式，funny!
餐廳入邊都好大，灰黑色做主題，整潔乾淨
除左正廳，邊旁仲有一個廳，想靜少少既可以入去坐!
餐廳都幾有藝術感，掛左大大少少既油畫點綴下氣氛而原來呢一邊都有一個房，但可能係vip房，要book先得，
餐廳係半自助式，點餐都係睇好menu出counter俾左錢先，之後order就會隨後送上
而好多既調味料都係放出黎，等客人任意添加，杯碟餐具唔夠用隨時去拎，而且放係當眼位非常方便
有dinner set我都唔睇太多單點既menu了，set一定會平d
但餐廳既risotto好吸引! 根據唔同食材個飯都襯返唔同顏色，非常有心思!而且賣相好靚
花茶方面都唔錯，但中左咖啡毒，都係飲返啖熱咖啡算
點左兩份dinner set先黎左龍蝦海鮮餐湯!
龍蝦味一般，但鮮甜味十足，海鮮材料足先有咁甜
牛角包都唔輸蝕! 牛角包夠香夠鬆軟，我鍾意點湯食!
吸左湯之後既牛角包雖然冇酥皮咁厚身，但同酥皮一樣可以吸哂湯既味道，大啖放入口好滿足
加18蚊有小食都算平，同朋友每人加左一份
香草欖油炒蘑菇~蘑菇都變哂綠色
香草欖油真係夠香，炒到蘑菇軟身多汁，超正
芝士焗意式牛肉丸
餐廳用既係意式茄醬，有食開既一食就食得出!加上芝士，焗完味道好香
牛肉丸比較驚喜，咬落好紮實彈牙，而且多汁，牛丸味重，口感同手打丸有得揮!
大蝦墨魚汁意大利飯
意大利飯被墨魚汁完全染黑，食到牙都黑哂
食落真係有墨魚既咸香味，而且夠濕潤，味道唔錯
中蝦夠爽口彈牙，味道不過不失吧!正常既一份risotto
美國肉眼扒配葡萄酒燒汁
原本想要3成，但天氣太凍都係要左5成都係要好d
燒出黎都好靚，但見肉比較薄，整體上應該都5-7成熟
肉眼切落有少少手感同筋性，至少唔係用鬆肉粉!
旁邊既葡萄酒燒汁第一次試，味道係燒汁味，酒味唔太食得出，可能煮完都揮發哂
肉眼入口好腍，而且牛肉味唔錯，冇太多overcook既部分
呢度既薯條超好食! 佢係外脆內軟既質感，外皮好似薯王咁少少厚，特別香脆，唔係間間餐廳食到
天氣凍真係飲熱野好d，奶茶夠滑，咖啡夠香濃，同茶記有得揮!
張貼
