影片
更多
2022-11-05
1426 瀏覽
今次我哋要介紹嘅係由日本創辦，主打食關西風嘅關東煮🍢和串燒嘅居酒屋，和家💁🏻♀️💁🏻 重要嘅事情講三次，上嚟之前要：Book位！Book位！Book位！否則就有排等㗎喇😌(ed小分享 ：”關西風”嘅湯味道上及顏色較為清淡；”關東風”就較為濃郁和深色，所以我哋認為”關西風”更能表現出食物嘅原味和新鮮程度)⭕️以下價錢為一件，除非另外標示⭕️《頭盤及串燒》半生熟雞肉配芥辣($49)：配鹽味麻油及醬油及生磨wasabi，口感似食緊火炙魚生咁，味道居然唔腥，唔講以為真係食緊魚生😂雞皮($24，鹽/汁燒)：真係不得了🤩我哋揀咗鹽燒，貪佢原汁原味！雞皮處理得好好，唔會燒到太乾身得個脆字，皮下仲帶有好少嘅脂肪令到有少少雞油香，雞心($24 ，鹽/汁燒)：我哋都係揀鹽燒，坊間嘅雞心串燒好多時都好乾好韌，佢哋又係處理得好好，Juicy得來火喉啱啱好，難得🫡免治雞棒($28 ，鹽/汁燒)：可能我哋揀咗鹽燒嘅關係，令到個味道較為清淡，不過點埋個蛋黃後，口感一流👍🏻下次我哋會試汁燒🤫《🍢關東煮》個湯真係好好飲，連埋下面啲食物一齊食真係暖入心🥹蘿蔔($16)：呢個真係好食到不得了🤩，超級入味、煮得好淋🤤，最重要係無
重要嘅事情講三次，上嚟之前要：
Book位！Book位！Book位！
否則就有排等㗎喇😌
(ed小分享 ：”關西風”嘅湯味道上及顏色較為清淡；”關東風”就較為濃郁和深色，所以我哋認為”關西風”更能表現出食物嘅原味和新鮮程度)
⭕️以下價錢為一件，除非另外標示⭕️
《頭盤及串燒》
半生熟雞肉配芥辣($49)：配鹽味麻油及醬油及生磨wasabi，口感似食緊火炙魚生咁，味道居然唔腥，唔講以為真係食緊魚生😂
雞皮($24，鹽/汁燒)：真係不得了🤩我哋揀咗鹽燒，貪佢原汁原味！雞皮處理得好好，唔會燒到太乾身得個脆字，皮下仲帶有好少嘅脂肪令到有少少雞油香，
雞心($24 ，鹽/汁燒)：我哋都係揀鹽燒，坊間嘅雞心串燒好多時都好乾好韌，佢哋又係處理得好好，Juicy得來火喉啱啱好，難得🫡
免治雞棒($28 ，鹽/汁燒)：可能我哋揀咗鹽燒嘅關係，令到個味道較為清淡，不過點埋個蛋黃後，口感一流👍🏻下次我哋會試汁燒🤫
《🍢關東煮》
個湯真係好好飲，連埋下面啲食物一齊食真係暖入心🥹
蘿蔔($16)：呢個真係好食到不得了🤩，超級入味、煮得好淋🤤，最重要係無根！強烈推薦👍🏻
白魚板($16)：🤩Highlight of the Night🤩，好食嘅程度拍得住蘿蔔，口感鬆軟得來又唔會散，都唔明廚師點做到呢個效果🤔
腸仔卷($28)：用魚肉包住腸仔，口感幾得意，又飽肚
厚燒玉子($18)：正常玉子燒，味道不太甜👍🏻
年糕福袋($25/ 2 件)：幾大包，面頭嘅腐皮索哂啲湯汁，一啖咬落去就食到入面煙煙韌韌嘅年糕，正😄
魷魚餅($18)：如果未食過白魚板嘅，我哋會覺得佢都幾好食，不過有比較就有傷害，比下去了🤷🏿♂️
蒟蒻($16)：好大舊嘅三角形，好爽口，#減肥恩物🤫
雞蛋($13)：一食就覺得好似係早餐食嘅雞蛋咁🤣，正常發揮喇😅
可能老闆係日本人嘅關係，佢果種 #職人 心態成功令店員及廚師改變，我哋今晚完全感受到佢哋上下一心對食嘅果份熱情，而最神奇嘅地方係，佢哋嘅串燒居然比一般串燒店嘅更好🤣
最後，雖然關東煮喺日本來講係大眾化食物，價錢亦都唔會太貴，不過呢度係香港，淨係鋪租人工都嚇死你，所以唔好用日本個價錢相比呀～
張貼
