家素素食私房菜 (已結業)

禮拜一，又係超級忙碌的一日。今日想食light D~見到成業二樓呢度開左間素食，想話求其食la，無想到居然咁好食，而且超抵。我和同事一人order一個lunch set大約50-60蚊不等，前菜有涼拌黑豆，醋醃浸甜蘿蔔片，還有一大塊蘋果。個餐湯真係勁好飲，完全有老火湯的味道！ 而餐飲則係新鮮製造的黑豆漿，自助無限任添wor~勁正！！！冬天飲多兩杯熱辣辣香滑黑豆漿，一陣做嘢都落力D呀~haha！通常D人以為素食就一定好dry好淡茅茅,其實唔係架。好似我呢個餐咁冬菇茄香肉醬飯，用左冬菇去提香，切條食上來質感好似肉，茄子又軟又甜，D配菜都系十分爽脆啊。最緊要個飯係用左珍珠米，夠曬飯香，雖然係肉醬哦但系完全唔肥膩，香口到好似食緊真的肉醬一樣，而且份量十足。同事就叫左個冬菇肉醬撈芝麻，配菜大致上一樣，但個面係用左黑芝麻醬去製造，爽滑彈口，有稻庭烏冬的質感，但充滿豆香味。撈埋D肉醬食，又一層滋味。真係無想過素菜可以整到咁出色呀！下次要再食過先得！食飽飽lu~繼續勤力去工作。