巷仔冰室 (已結業)

雖然呢間餐廳位置唔多就腳，又喺街巿隔離，唔多討好，但卻好受街坊同附近上班族歡迎，平日黎食lunch最好1點前到，雖已經要排隊但算較少人啦。Lunch set送餐湯，羅宋湯幾夠濃味，雖有用茄膏但又幾多蔬菜料同埋唔會水稀稀咁。熱好立克幾濃味，唔需要落糖都夠味。咖哩海鮮蛋包飯$55: 蛋層係幾薄既，裡面嘅飯係調過味去煮，幾濕潤唔乾，都有唔少海鮮粒粒，無雪味，其實本身個飯都夠味，不過又可以加咖哩汁食更惹味，咖哩汁唔偏甜，幾濃香，仲配少少沙律補充纖維。美式雜扒燒肉汁$58: 呢個朋友食嘅，有豬仔脾、豬扒、腸仔、火腿，試左少少，煎得幾香，肉唔粗糙但又唔係落鬆肉粉果隻，有口感又有真實味道。總括係幾扺食嘅，嘢食又有質素，上菜有效率，怪唔之得咁多人幫襯啦！